Pilar di Carnaval di Aruba na Hulanda a bai sosega

Na aña 1946 Annie Ras ta nace na Sta. Cruz, Aruba.
Pa desarolla su mes e ta bini Hulanda na aña 1967. Dos aña despues na 1969 e ta drenta enlace matrimonial cu un academico di Curacao for di cual matrimonio ta nace dos yui.

For di 1973 pa 1976 el a biba na Curaçao. Despues di su divorcio el a bolbe bek Hulanda.

Hopi biaha Annie tabata sinti su mes su so y ta esaki ta loque a motive pa organisa varios eventonan di Musical, Carnavalesco y di baile.
Na Eindhoven, unda e tabata biba, el a forma parti di un vereniging cu a dura solamente 3 aña.

Na 1982 e ta bai biba na Rotterdam y aki e ta lanta su mesun organisacion y su mesun grupo di carnaval. Tambe e ta e prome Arubiano cu ta cuminsa un elleccion di reina di Carnaval na Hulanda.

Tambe e ta e fundadora di e brassband CARIBBEAN BRASS INTERNATIONAL.
Esaki el a lanta cu ayudo di Stanley Cornelia (r.i.p.), Touw Arrindell (r.i.p.) y Milly Kerkeboom (r.i.p.).

Den tur parti di Europa e brassband aki a toca. E ta e brassband y mas bieuw y mas conoci na Hulanda. CBI tabatin e honor di toca na e matrimonio di prins Willem Alexander y Maxima.

Den Caribbean Brass Int. a toca varios studiantenan Arubano cu awendia ta ocupa funcionan halto na Aruba. Aki nos ta papia di: Ir. Roland Croes, director di SETAR ARUBA, Dolfi Richardson , vocero di polis na Aruba, Haime Croes, Henry Croes, Franklyn Giel, Alfredo Ruiz, Richard Dijkhoff, Luis Laclé, Peter Simons, Ralph Croes, Alfred Croes, Bibi Gibbs, Tito Vrolijk y mas.

Su grupo di carnaval a conoce varios nomber pero tur Arubiano na Hulanda conoce como e grupo di Annie Ras. Hopi ta e premionan cu e grupo aki a gana na Hulanda.
Ultimo temponan e grupo a hiba e nomber Aruba Uni di Amsterdam.

Den pasado e tabata organisa eventonan mas tanto pa personanan di e region di Caribe en general. E ultimo temponan su atencion tabata mas pa e Arubianonan na Hulanda.
Algun di e actividadnan aki ta: Programma di radio ArubaRibaFm, Aruba Zomer Carnaval Queen Elleccion, Calypso & Roadmarch Contest na Hulanda, Aruvision Music Festival 2005 y 2006, Arubastation Tennis Challenge 2005, 2006 y 2007.

Como cu e tabata biba pa ultimo 20 aña na Amsterdam, hopi di su eventonan tabata tuma lugar den e stad aki.

Dos aña pasa mediconan ta constata cancer na su Darmen y e ta wordo opera. Aki tambe ta start un lucha fuerte di chemo-therapia cu ta dura dos aña. Nunca el a perde speranza y tampoco e enthousiasmo den su grupo di carnaval ARUBA UNI. Ehempel di esaki ta cu den 2006 e grupo Aruba Uni ta sali e grupo di aña durante Zomer Carnaval di Rotterdam cu e thema: "un idioma Arowak", Caiquetio. Costuumnan blanco cu blauw di indian a adorna full e paradanan di Rotterdam, Weert, Zoetermeer y Arnhem aransando cu tur premio cu por tabatin.
Su deseo di mas grandi tabata pa e Arubianonan na Hulanda semper por a keda Uni pa haci cultura di nos isla grandi.

Cu Sra. Annie Ras sosega na paz.

Teksto : Addonsito Croes