Algun dia pasa a sali den noticia con un corant Hulandes "Het Parool" a cubri e bishita di nos Ministro di Salubridad, sr. Richard Visser na Hulanda. Den cuadra di e campaña di vacuna H1N1, Ministro Visser a bishita RAI na Amsterdam, unda e di 2 round di campaña di vacuna pa mucha tabata tuma lugar. Den un entrevista cu "Het Parool" Ministro Visser a expresa su ideanan dikon na Aruba e campaña di vacuna contra H1N1 a fracasa. Entre otro e a questiona e supuesto noticia, cu na Merca un mucha muher, despues di a haya su "regular flu shot", solamente por a cana patras (backwards). E corant "Het Parool" hasta a usa e palabra "Redu Idioot cu ta pasa na Aruba" - Idiote geruchten op Aruba over de Mexicaanse-griepprik. Zo zou een meisje na zo'n prik alleen nog maar achteruit kunnen lopen. Finalmente den e articulo ta wordo haci bofon ora sr. Visser supuestamente ta ripara cu e muchanan na RAI NO ta canando patras (backwards).

Cu tin hopi informacion robes cu ta sali tur caminda ta un hecho, cu tin loko ta manda mail cu menasa cu si bo no forward pa 10 hende, bo mes ta hay Griep Mexicano, ta tristo. Mas tristo ta, ora un Ministro y of Dokter ta bai usa net e ehempel di e mail aki pa deshaci di duna commentario serio riba e problematico rond di e vacuna. No tur Arubiano tin titulo di Dokter promer cu nan nomber, pero esey no ta haci cu nan ta hende bobo cu ta kere tur barbaridad di qualkier mail cu drenta nan mail box. E Arubiano, sin cu nan ta Dokter, tambe tin tino pa busca informacion for di mas caminda. Y enberdad, e informacion ta wordo busca for di internet tambe. Y enberdad for di internet tambe bo mester investiga bon, for di unda e noticia ta sali, ken a scribi, kiko ta e background di esnan cu a scribie, y si tin mas fuente cu ta confirma e hechonan scirbi.

Y simplemente bisa, tin suficiente indicacion, cu mundialmente tin reserva contra e hype di vacuna, cu ta cuestiona e vacuna y e posible reacion severo despues di vacuna. Anto riba esey, nos como pueblo kier haya un contesta.

No ta nada bunita di un Dr. Salazar, di questiona esun cu ta bin cu e noticia of articulo riba internet contra e vacuna, ki clase di estudio nan tin. Pa despues mustra riba su credencialnan. Apesar dr. Salazar ta e unico dokter na Mundo cu tin tur e sabiduria tocante e vacuna? Ta rond mundo na paisnan mucho mas avansa cu nos, ta questiona e vacuna aki.

Por ehempel den un corant Aleman online di Zeit Online (www.zeit.de) a sali un articulo unda ta bisa cu "The Council of Europe Members" lo lansa un investigacion riba e influencia cu e companianan farmaceutico tin riba e campaña mundial di e Swine Flu, y especialmente riba e extenso di e influencia di e industria farmaceutico riba WHO (World Health Organization).

Aki e Chairman sr. Wolfgang Wodarg di e Parlamento Europeo di e committee di Salud, a inicia e investigacion aki.

Wodarg a critica e medidanan cu a wordo tuma contra e Swine Flu como "un di e scandalnan medico mas grandi di siglo". Fuera sr. Wodarg a bisa cu e influencia di e industria farmaceutico riba scientifico (Dr. Salazar?) y officialnan di Gobierno (Ministro Visser?) a resulta den "Miyones di hende di bon salud cu ta wordo expose innecesariamente na e riesgo di vacuna cu no a wordo getest debidamente". Pa full e articulo por lese riba http://www.zeit.de/politik/2009-12/schweinegrippe-europa (Scirbi na Aleman, cu hopi Arubiano cu apesar di NO tin e titulo di Dokter, ta domina)

Anto aki na Aruba nos kier ridiculisa esnan cu ta bin cu pregunta?

Tokante e mucha muher cu segun "Het Parool" ta un Idioot gerucht (of kisas nan a cita Ministro Visser?). Esaki ta un hecho documenta cu a sali riba diferente canalnan Mericano. Aki ta trata di un Cheerleader di 26 aña cu jama Desiree Jennings, cu despues di a tuma e Regular Flu Shot a haya reacionnan severo cu a resulta den Dystonia. Naturalmente noticia asina no ta combini e podernan grandi tras di e industria farmaceutico y mescos cu aki na Aruba, bo ta haya jen sorto di "experto cu titulo" ta bin y duna declaracion official cu ta desmenti cualkier coneccion cu e vacuna y cu ta hasta haci e ponencianan ridiculo (WAK E VIDEO AKI). Den e caso di Desiree Jennings a bai asina lew di sugeri cu ta un problema mental (pues e ta un tiki loko)

Pa un di e tantisimo link di e noticia (sorry, idioot gerucht) di e mucha muher cu a cuminsa cana backwards: http://www.myfoxdc.com/dpp/health/101309_woman_disabled_by_flu_shot_reaction_dystonia

Den nomber di pueblo di Aruba, ta sigi exigi clarificacion riba tur esaki, y nos ta ripiti;

Nos lo kier haya sa di e gobierno actual y muy en particular Ministro Richard Visser,
1. si e ta na haltura di e informacion aki
2. pakiko nos ta sigi use siendo na tanto pais ta questiona e uso di e vacuna aki cu adjuvante squalene.(Cu boso no a contesta biaha pasa, pero solamente a elabora riba Mercury)
3. si e por publica un lista cu tur e ingrediente di e vacuna contra e Swine Flu cu tur e posible side-effects cu esaki por causa
4. Si Ministro Richard Visser por para garantia pa qualkier daño causa na e persona cu lo ricibi e vacuna, incluyendo e baby cu no a nace ainda, y si e gobierno lo para garantia di paga tur gasto financiero, si e vacuna mester causa daño. (esaki en especial mirando cu e compania grandi cu ta produci e vacuna aki a logra di sera un clausula cu nan no ta para responsable na ningun manera en caso algo mester bai robes).

Nos NO ta tratando di boycotea ningun campaña, simplemente nos kier contesta riba pregunta y bin cu bon argumento pakiko mester tuma e vacuna. Te aworaki, mirando e resultado cu ta un FRACASO, boso no a logra convence e majoria di e pueblo humilde di Aruba.