Oranjestad - 14 december 2009 -

Ya pa casi un anja caba, Salubridad Publico ta hasiendo propaganda pa vacuna escolar, vacuna contra griep y awor vacuna contra H1N1. Usando propaganda fanatico di un nivel neurotico, Salubridad Publico cu su team di "fake experts" ta trata cu tur methodo posibel pa convence nos sociedad (tambe yama: "commodity" - all which can be exploited for maximum profit) pa tuma vacuna.

Na prome lugar mi kier a remarca cu mi no ta un experto den virologia of vacuna y mi no ta doctor di medicina (M.D.). Mi ta doctor di Theologia (Th.D.) y doctor di Filosofia (Ph.D.), pero esaki no ta kita e hecho cu mi no por duna un comentario riba e thema di vacuna. Mi no ta un experto pero tin algun experto mi tras, e molecularbiologo, Dr. Stefan Lanka (Alemania), Dr. Ryke Geerd Hamer (Norwega), y historiadora di vacuna, Sra. Veronica Widmer (Austria).

Mas di mei anja pasa, mi tabata e prome persona cu a publica un articulo den DIARIO, demonstrando e risico di vacuna den un manera scientifico (Virus y Pandemia: Mythos of Realidad?). Aki caba mi a hasi Salubridad Publico algun pregunta encuanto e risico y beneficio di vacuna. Alavez mi a pidinan pa bini cu e prueba microscopico di un virus of bacteria maligno. Cu tur nan technologia moderno nan no por prueba cu un virus ta causa ningun malesa! Despues di un tempo, Solo di Pueblo a publica varios articulo encuanto e risico di vacuna.

Paul Ehrlich Institute (PEI) - un di e expertonan na Alemania den ramo di salud publico y vacuna y un instancia reconoci mundialmente, a publica un Press Pelease di e Ministerio di Salud di Sweden declarando cu 5 persona a fayace algun dia despues di a tuma Pandemrix®. PEI a declara tambe cu e substancianan pa preserva e vacuna ta mucho agresivo pa nos organismo. Tres di e personanan tabata sufri di malesnan cronico. Nan a remarca alavez cu 37 pashent a hanja reaccionnan alergico, di cual 15 di nan tabata hopi grave. Tur tabata hendenan riba 70 anja. Na Alemania so tabatin como 700 caso di efectonan negativo di e vacuna Pandemrix®. Informacion "ironeo"? Falsedad? We shall see!

Den e articulo den Solo di Pueblo, e reportero a pidi nos Minister di Salud, Dr. Richard Visser pa trese mas aclaracion encuanto e risico y beneficio di vacuna. Ami a hasi pregunta y Solo di Pueblo a hasi pregunta cu a pone nos Minister busca un "fake expert" for di Hulanda pa bin yudanan cu e preguntanan cu nan no tabata capaz pa contesta.

Dr. Derec van Blok no ta un experto den vacuna of virologia, e ta un simpel doctor di medicina. Cu un motivacion paranoico y nervioso, e experto hulandes a declara cu na Hulanda no tabatin ningun caso negativo di e vacuna. E'la lubida cu ningun parti na Europa tin un instancia di Gobierno cu ta averigua of analyza si tin efectonan negativo di vacuna. Esaki lo ta mal propaganda pa nan mes. Fuera di esaki, TUR doctor di medicina ta wordo educa pa e industrianan farmaceutico cu ta produci medicamento y vacuna. Despues cu e aspirante caba di gradua nan lo sigi controla nan marioneta pa asina logra trese nan producto chimico den nos sociedad (Dr. Ivan Illich, Medical Nemesis - The Expropriation of Health). Alavez esnan na Aruba cu a sufri di un efecto negativo di vacuna no ta wordo registra. Ningun doctor di medicina ta busca pa sa si ora un persona bini cu cierto symtomanan, cu esaki por ta cuasa di vacuna. Esaki nunca ta bini na remarke. Pakico? Nan a wordo educa pa e pharma cartel!

Salubridad Publico, Dr. Richard Visser y Dr. Salazar no tabata capaz pa convence nos comunidad pa bin tuma nan 30. mil vacuna, cu nan mester a busca un otro "Doctor di Medicina", no un Microbiologo renonombra, pa yudanan convence nos sociedad pa tuma nan "death shot"? Na unda y pa cua grupo internacional Dr. van Blok ta wordo reconoci como un experto? Ningun di e panelistanan cu a duna rueda di prensa no ta experto den vacuna, pandemia of virologia. Un academico ta wordo concidera un experto ora e hanja reconocimento dor di discubrimento di algo, invencion di algo of a traha riba un asunto anjasnan largo. Den cua publicacion internacional scientifico Dr. van Blok of Dr. Salazar a yega di publica algo encuanto vacuna of virologia? Den YAMA? Den e revista scientifico Virology? Den e New England Journal of Medicine? Expert my foot!!! Dr. van Blok ta un simple doctor di medicina sin ningun reconocimento internacional. Segun Dr. Lanctot, nan por wordo concidera como "Salespersons" cu ta bende algo. Otro ta bende sapato, nan ta bende vacuna! Nan ta usa cualke methodo posible pa bende nan producto, cueste loke cueste. The end justifies the means! It's just good business. Filosofo y Poeta Aleman, Johann Wolfgang von Goethe (1749-1832) a yamanan, "shameless killers" (Goethe, Faust I, Bantam Books, New York, 1962).

Ora bo papia di experto, bo ta papia di Dr. Stefan Lanka, e unico microbiologo/molecularbiologo cu a yega di descubri, isola, purifica y publica un virus y a prueba cu esaki no ta infeccioso (A Virus Infection in the Marine Brown Alga Ectocarpus siliculosu, D.G. Muller, H. Kawai, B. Stache, and Stefan Lanka, Botanica Acta 103, 1990, p. 72-82; The Coat Protein of the Ectocarpus siliculosus Virus, Michael Klein, Stefan Lanka, Rolf Knippers, and Dieter G. Muller, Virology 206, p. 520-526, 1995).

Dr. Dieter Muller ta un experto. E'la traha hunto cu Dr. Lanka den purificacion di e virus di alga marina. Dr. Lanka tambe ta author di diferente publicacion encuanto vacuna, pandemia, virus, etc. y ta duna lectura encuanto virologia rond Europa. Kico ta di Dr. van Blok? E no por prueba cu un virus ta cuasa ningun enfermedad y e no por prueba tampoco cu cualke vacuna ta yuda contra ningun enfermedad. Henter e asunto ta un PR y Marketing-gag pa complace (€€€/$$$) e companianan farmaceutico (Roche, GlaxoSmithKline, BAXTER Ltd., etc.).

Despues Dr. Salazar ta bini na vanguardia y ta defende e substancianan Thiomersal y Ethylmercurio y ta bisa cu e vacuna Pandemrix® ta safe. Safe? E no por prueba esaki ni si su bida ta depende di dje. Herr Dr., kico ta di Formaldehyde y Gentamicin Sulphate (antibiotica)? Segun chimicista, Dr. Johaness Enderlein, di e Universidad na Erlangen, Alemania, Formaldehyde ta un substancia sumamente peligroso y por hasta causa cancer. E Prof. aki tambe ta duna informacion "ironeo"? Jerome L. and Dawn Greene di e Infectious Disease Laboratory na e Departamento di Epidemiologia na e Mailman School of Public Health y e Columbia University na New York a publica un articulo unda nan ta duna di conoce cu despues di a hasi estudionan cu Thiomersal, nan a yega na e resultado cu e ta causa effectonan neurotoxico. Bestseller Author, David Kirby a publica un buki completo (Evidence of Harm) dunando prueba conclusivo cu Ethylmercurio ta peligroso y e cantidad cu nos ta tuma di dje den cuminda (tuna, salmon, etc.) ta limita, mientras e dosis di mercurio den Pandemrix® ta mucho mas halto, 5 microgram.

Bueno, kico ta di Pandemrix®? E ta asina safe manera Dr. Salazar ta insinuando? Segun e Deutsche Berufsverband fur Umweltmediziner (DBU) - German Profecional Association for Environmental Medicine - e unico instancia na Alemania cu a analyza e vacuna Pandemrix®, a declara den un Press Release (26.10.2009), cu e vacuna tin risico inmenso pa nos salud. E estudio ta demonstra cu e vacuna Pandemrix® ta contene e sigiente substancianan peligroso cu Dr. Salazar no a trata: e vacuna ta contene 27,4 mg AS03, un Emulsion saca for di Polysorbat, Squalen y Tocopherol. Segun un berdadero "experto", Dr. Hans Peter Donate di DBU, e substancianan aki a ser he'test como criterio surrogatico y no riba nan efectonan negativo.

E expertonan cu Dr. Salazar a menciona no ta bisa cu Squalen, ora bo tume oral no ta cuasa danjo (azeta di Oleifi, etc.), pero ora e wordo duna subcutano of intramuscular, ta causa danjo na nos systema immunologico. Squalen ta wordo tresi como e causa di Giullan-Barran-Syndromes (GBS) y ta wordo tresi den conneccion cu e Golf-War-Syndrome (GWS). TUR e animalnan, na cual nan a test Squalen, a hanja Artritis Rheumatico! Segun Dr. Donate (op.cit.) y fisicista, medico y historiador Aleman, Dr. Johannes Jeurgenson (Las Mentiras Lucratrivas), Squalen tambe ta cuasa infeccion na e membran, tambe paralysis muscularis of infeccion degenerativo di e nervionan. Thiomersal ta contene Quecksilver como preservativo, cual ta hopi peligroso, dor cu e ta keda pega den nos Higra pa semper y por causa sangramento dor di nos porio, nanishi, wowo y orea (Ebola!!!) - esaki tambe a wordo proba pa Dr. Lanka. Alavez e vacuna no a wordo he'test riba mucha of muhernan embaraza (Documento oficial di GSK Biologicals, Rixensart - Belgium) y net nan lo wordo vacuna prome! E vacuna a wordo hetest riba solamente 6000 hende, y esaki den un tempo cortico, mientras e resto di testnan a ser conduci riba animal. E compania GlaxoSmithKline hasta a obliga e gobierno di Alemania pa firma un contract, cu nan lo no para responsable pa e efectonan negativo di Pandemrix®. Y si bini efectonan negativo, cu Alemania no por persiginan pa hanja placa di danjo y perhuicio. DBU ta alerta esnan cu ta sufriendo di un enfermedad cronico pa no tuma e vacuna, ya cu esaki por cuasa nan bida.

Dr. Salazar tambe a declara cu tin informacionnan incorecto ta saliendo den Prensa internacional, cu e hangua contra H1N1 por causa Autismo of Neuro-Developmental-Disorder y cu esaki no ta berdad. E ta sigi cu su polemica di desvio bisando cu tur "investigacion cientifico" te dia di awe nunca a mustra ningun sorto di link entre vacuna conteniendo Thiomersal y Autismo of cualkier otro desviacion den conducta.

Dr. Lanka a prueba esaki hunto cu Karl Krafeld (Vaccine - Genocide in the Third Millenium?). Dr. Simon Delarue a prueba esaki (Impfung - Der unglaubliche Irrtum). Dr. Ryke Geerd Hamer a prueba esaki (Celler Documentation). Historiador di vacuna y su effectonan, Dr. Gerhard Buchwald a prueba esaki (Vaccine - A Business of Fear). Dr. Salazar ta sconde e berdad y ta desvia pueblo cu un polemica falso. Fuera di esaki, tin organisacionnan serio cu a publica e efectonan negativo di vacuna (Thiomersal): e associacion The Dissatisfied Parents Together (DPT) na Merca y The National League for Freedom of Vaccinations na Francia, cual tin como 40 anja informando e pueblo Frances. Nan tin un bibliotheca higantesco di pruebanan di e efectonan negativo di vacuna y Thiomersal.

Por ultimo Dr. Salazar ta bisa cu e vacuna a wordo recomenda pa e National Advisory Committee on Immunization (NACI), pa e World Health Organization (WHO) y e U.S. Food and Drug Administration (U.S. FDA).

Naturalmente nan lo recomenda algo cu nan mes a laga fabrica, cu e intecion pa cuasa un genocida mundial! Na anja 1981, WHO ta e organisacion cu a pone regla con e vacuna contra Polio mester ta: E utilisacion di lineanan di celula, cu no ta provoca tumor y cu no ta contene virus". Esaki ta nifica cu prome cu anja 1981 e lineanan di celula cu a wordo usa pa fabrica vacuna no tabata liber di virus, ni di causa tumor. WHO no a cambia di strategia despues di 180 anja di desaster cu vacuna! No lubida cu despues di e segunda gera mundial, Merca tambe, bow preshon di UN y WHO a hasi vacuna bira un obligacion. Warda un tiki mas y esaki lo ta e caso na Aruba tambe! WHO ta e instancia cu ta goberna e mundo medicinal via e bankonan y UN. WHO ta e prostituta di e banconan, fundacionnan internacional y UN. E ta dicidi kico ta malesa y kico ta salud, sea corporal of psychiatrico. E ta recomenda salud pa tur hende, cual ta enfermedad pa tur hende. WHO ta dicidi si mester traha un vacuna of no. Nan ta dicidi cua ingredientenan e vacuna mester contene y ken lo mester hanje. Bo tabata sa cu, 45% di e placa cu UNICEF ta hanja, ta bai pa crea vacuna pa e hendenan den e Third World (Africa, Thailand, India, Afganistan, etc.) y 17% ta bai pa cuminda y awa limpi? Kico ta mas importante: vacuna cu chimiconan biologico agresivo of awa limpi pa bebe y cuminda saludable pa come?

Despues e ta cita instancianan na Hulanda cu ta para tras di e vacuna. Nan "mester" promove e vacuna, sino nan lo no hanja placa di subvencion for di e companianan farmaceutico y e banconan grandi (Ghisliane Lanctot, The Medical Mafia; Marcia Angell, The Truth About the Drug Companies - Marcia Angell tabata chef-redactora di The New England Journal of Medicine). Prueba? Durante un proceso den corte na Francia na anja 1981, corte a puntra Prof. Dr. Mercie, ex director di Pasteur Institute, pakico nan ta keda produci vacuna contra griep aunke cu nan sa cu e no ta efectivo. E contesta di Prof. Mercie tabata: "Pasobra, cu e ganashi nos ta financia nos trabow." (Hans Ruesch, Die Pharmastory, Hirthammer Verlag). Henter e asunto ta un conspiracion di parti di WHO y e companianan farmaceutico pa comete un genocida mundial y enrikese ($$$/€€€) nan cuenta bankario. Dia 22 October, 2009, Deutsche Welle TV a presenta un investigacion (Mai Britt), unda nan ta duna di conoce cu e companianan farmaceutico (Roche, GlaxoSmithKline, BAXTER, et al.) a manda un comunicado poniendo un preshon inmenso riba e gobierno di Francia, Alemania, Norwega y Merca, pa nan dicidi den 48 ora pa tuma vacuna (Pandemrix®) na 100%, cual lo trese un ganashi di mas di 700miyon €uro (!) pa e mafia farmaceutico.

E P.S. - Post Scriptum - na final di e comunicado, ta bisa cu nan no ta para responsabel pa e "side effects" di e vacuna. Cuanto placa di pueblo Gobierno di Aruba a saca pa paga pa hanja 30 mil vacuna? Segun algun agencianan serio di noticia, president Obama a declara cu ainda e no a dicidi si e lo laga su yiunan wordo vacuna. Pakico no? Si e vacuna ta bon pa e pueblo (commodity) e ta bon tambe pa Obama su yiunan, pero esaki no ta e caso. E lo isola su yiunan di wordo vacuna cu Pandemrix® pasobra e sa kico ta e plan di UN y WHO: e reduccion di e populacion mundial (Paul Kurtz, ed., Humanist Manifest I-II, Prometheus Books, Buffalo, New York, 1973).

Pa clausura e articulo aki, mi kier a anjadi, cu ya cu nos tin un experto na Aruba, lage prueba "publicamente" (bou supervicion di expertonan internacional!) cu e vacuna ta safe, presenta e isolacion di e virus, saca su potret, publike y prueba cu e vacuna no tin ningun tipo di risico, whatsoever, fuera di un brasa cora y grawatamento. Asina cu e logra isola e fantasma H1N1, tin 50 mil €uro di recompensa ta wardando riba dje.

Cada hende mester dicidi pa su mes si nan kier wordo vacuna contra e fantasma H1N1, pero nan mester hanja e oportunidad pa hanja ambos banda di e medaya.

George Orwell a yega di bisa, "During times of universal deceit, telling the truth becomes a revolucionary act."

Mi ta spera cu esaki lo no ta e caso aki na Aruba!

Articulo scirbi pa Dr. Jeffrey Di Carlo