Robert Yara, encarga cu operacion di e restaurantnan di Taco Bell na Aruba a anuncia nan producto nobo. Ela bisa cu comunidad di Aruba a responde en grandi pa nan ultimo promocion cu tabatin e nomber di "Bacon Gordita Crunch". Ta bon pa menciona cu e "Cheezy Gordita Crunch" si ta obtenibel ainda na tur Taco Bell akin a Aruba. Awor ta asina leu atrobe pa bolbe lanza un otro campaña, un promocion na beneficio total di nan clientenan cu ta prefera mas pero pagando menos.

"E promocion aki awor a sali den mayoria mercado di Taco Bell y nos na Aruba tambe lo por probecha di e super oferta aki. Pa nos ta masha importante pa nos cana hunto cu tur otro restaurant Taco Bell na mundo den cuadro di ofrece na nos clientenan productonan di calidad, prepara cu e normanan halto di Taco Bell y bendi na Aruba na prijs pagabel pa tur hende", asina Robert Yara a duna di conoce.

E promocion di "Fully Loaded Nachos" ta bini cu carni y ta costa unicamente Afl. 10.75 incluyendo e "Fully Loaded Nachos" cu su batata y un refresco mediano. Y pa un prijs adicional bo por hañe sea cu galiña of steak tambe.

Ta bon pa menciona cu Taco Bell tin mas di 278 restaurant operando na Canada, Guam, Aruba, Republica Dominicana, Chile, Costa Rica, Guatemala, Puerto Rico, Ecuador, Asia, Europa y Filipinas. Aki na Aruba nos conoce Taco Bell riba Sasakiweg, den Renaissance Marketplace y na Santa Cruz. Taco Bell tin 2 drive thru, un na Santa Cruz y otro na Sasakiweg y ta habri 10or di mainta te cu 12or di anochi, tur dia.

Taco Bell ta invita tur hende pa pasa probecha di e oferta special aki cu ta ofrece productonan nobo na un prijs reduci pa tempo limita.