ARUBA BANK TA PRESENTA "E REALIDAD, NOS RESPONSABILIDAD" VIA RADIO

ORANJESTAD, Aruba - 25 di mei, 2009: Ta for di momento cu Aruba Bank a anuncia e programa "E Realidad, Nos Responsabilidad", mesora ela sa di ricibi un acogida grandi den nos comunidad. Cu e lema "Tuma Accion Awe, Prepara pa mañan", Aruba Bank a presenta un serie di seis programa educativo informativo cu a wordo hopi bon sintonisa na ATV y na Tele Aruba. Topiconan interesante a wordo presenta cu enfasis riba e realidad di e actual situacion social y economico cu nos pais ta confrontando. Alavez e expertonan den cada programa a presenta varios tip valioso, cu mesora un y tur por aplica.

A base di tantisimo reaccionnan positivo cu Aruba Bank a ricibi di parti di nos comunidad y tambe e gran demanda pa continua cu e programa educativo aki, Aruba Bank ta anuncia cu lo continua cu e projecto aki den un forma interactivo y e biaha aki na radio, esta Magic FM riba diasabra mainta.

E programanan na radio lo inicia den luna di juni. Pronto Aruba Bank lo duna mas informacion tocante di e programa "E Realidad, Nos Responsabilidad".

Aruba Bank ta continua di duna su aporte na nos comunidad cu programanan educativo yena cu informacion y guia riba e situacion actual.