ORANJESTAD, Aruba - 24 di juni, 2009:
Cheng's, Rey Hing y Johnson Supermarket diasabra ultimo a ricibi e ekipo di promocion di Oduber Agencies, den cuadro di nan campaña "Calidad na mihor prijs". E mucha muhernan a parti flyers den e diferente supermercadonan y tabata ricibi e pakinan bashi di e productonan participante a cambio di coupon. Di e forma aki e clientenan por a sigura nan participacion den e campaña grandi aki cu tin mas cu 50 mil florin na premio. E premionan ta inclui un prome premio di no menos cu Afl. 5000.00, sigui pa Digital Sports Camera, Waterproof MP3, Waterproof Flashlight, Guinness Book y sin lubida cu lo rifa 1.000 entrada pa bay disfruta di un dia den Morgans Island.

E sigiente sorteo di e campanja "Calidad na mihor prijs" ta tuma lugar dia 8 di Juli. Corda cumpra e productonan manera bateria marca Panasonic, blade di feita marca Pace, skeiro di djente marca Wisdom Toothbrush, Potato Chips marca Mr. Potato, papel di cushina marca Scott y habon di laba man suave marca Lucky y cambianan pa coupon participante pa e sorteo. Ta recorda tur cliente pa pasa na Comfort Healthcare N.V. situa na Seroe Blanco # 19, pa entrega nan envolturanan bashi di e productonan aki atrobe lo saca un cantidad masha grandi di premio (Afl. 50.000,00) entre tur e participantenan.

Pa e siman aki, diasabra dia 27 di Juni entre 10am cu 12 pm e team di Oduber Agencies lo ta presente pa asina tur hende por entrega nan envolturanan a cambio di coupon mesora na Ling & Sons Supermarket, Superfood, Certified Supermarket y Kong Hing Supermarket.

Bira un di e tantisimo ganadornan felis di e campaña grandi di Oduber Agencies N. V. y disfruta di "Calidad na miho prijs."