Oranjestad, 24 di Juni 2009:
Cu tur studiante den mente den e temporada di "Back to School" Write Here by Office Systems Aruba conhuntamente cu Sparetime y Subway ta introduci Save Suave (SVE2). Ta trata aki di un "Student Card" cu riba su mes ta algo completamente nobo pa e hubentud di Aruba.

Write Here su carchi di studiante tin beneficionan hopi favorabel pa tur esnan cu ta studiante di basis, middelbaar, hogeronderwijs, universiteit of IPA. Usando bo "Student Card" bo ta ricibi 10% di descuento na Write Here riba articulonan di scol, 10% di descuento na tur e 8 restaurantnan di Subway y 20% di descuento na Sparetime situa den Royal Plaza Mall y San Nicolaas. Mayornan por recarga nan "Student Card" na Write Here.

Pa aplica pa e carchi di studiante aki ta masha facil. Pasa na Write Here by Office Systems Aruba cu un identificacion cu bo ta bayendo scol of bo collegekaart, yena e formulario y ricibi bo Student Card completamente gratis. Tambe por inscribi via facebook: www. Facebook.com, bira miembro di Write Here Society, download e formulario y trece na Write Here. E formularionan aki ta obtenibel na tur Subway y na e dos tiendanan di Sparetime tambe.

E Student Card ta facil pa usa. Mustra bo Student Card na un di e establecimentonan menciona y ricibi descuento instantaneo riba bo compra. Pa e muchanan cu kier kies nan mesun producto di "back to school" e mayornan por recarga e Student Card na e suma desea y asina bo por paga cu bo carchi na WriteHere. Loke ta haci e campaña aki mas interesante ta cu e ta valido pa henter e aña escolar 2009/2010 cu ya ta den porta.

Write Here by Office Systems Aruba ta situa net tegenover di Ling & Songs Supermarket na Eagle. Pa mas informacion por pasa libremente na Write Here of por yama na 5883500. Horario: Dialuna pa Diasabra 9.00am -6.00pm. Email: writehere@officesystemsaruba.com