ORANJESTAD, Aruba - 18 di Juni, 2009: Den cuadro di nan campaña "Calidad na Mihor Prijs" ayera Oduber Agencies a entrega un cantidad di premio entre tur e 168 ganadornan na Morgan's Island Park. E felis ganadornan a bai cu premionan manera Afl. 250, Afl. 150, camara "waterproof", Flash Light "waterproof", MP3 Playery un cantidad di entradanan pa bay disfruta na Morgan's Island Park. Pa esnan cu no a haña chens di pasa reclama nan premio, nan por haci esaki ainda na Comfort Healthcare N.V. situa na Seroe Blanco # 19.

E di dos sorteo di e campaña "Calidad na Mihor Prijs" ta tuma lugar dia 8 di Juli proximo. Ey atrobe lo saca un cantidad di premio entre tur e participantenan. Ta recorda tur clientepa nan corda pasa na Comfort Healthcare N.V. situa na Seroe Blanco # 19, pa entrega nan envolturanan bashi di e productonan manera bateria marca Panasonic, blade di feita marca Pace, skeiro di djente marca Wisdom Toothbrush, Potato Chips marca Mr. Potato, papel di cushina marca Scott y habon di laba man suave marca Lucky y cambianan pa ticketnan participante na e sorteo.

Corda pasa tambe na e supermercadonan Johnson's Supermarket, Winter Garden Supermarket, Cheng's Supermarket na Noord, awe diasabra entre 10am cu 12 pm unda cu e promo-girls lo bai tey presente pa asina tur hende por entrega nan envolturanan a cambio di coupon mesora.