ORANJESTAD, Aruba - 15 di Juni, 2009: Fertility Scope™ ta un test nobo di fertilidad sigur y confiabel cu ta obtenibel awor tambe na Aruba. Solamente un gota di saliva ta tur loke mester. E Fertility Scope™ ta un test simpel pa usa (tamaño di un lipstick) cu ta permiti bo controla bo ciclo di fertilidad na cas y cu ta indica ki ora bo chens di concebi ta mas probabel.

Con e ta traha? Estudionan a demostra cu net prome cu ovulacion, tin cambionan kimico ta sosode den e saliva (skupi) di hende muher. E cambio kimico aki ta permiti pa determina e nivel di concepcion. Door di pone solamente un gota di saliva di e lenga riba e lens di e test mainta asina bo lanta y warda 10 minuut, e Fertility Scope™ ta duna e resultadonan. No mas test di urina of bai sinta den fila pa haña un chens na laboratorio. Bo por haci e test aki cuanto biaha cu bo kier. E test di saliva mester wordo hasi prome cos mainta prome cu laba of spula boca, pa haña un resultado mas exacto.

E Fertility Scope™ ta un test economico, patenta y aproba door di FDA cual por wordo cumpra sin receta di dokter y ta 98% efectivo. E test tambe por wordo usa pa juda evita embaraso no deseá. Su precision na determina e momentonan fertil durante di e ciclo mensual, ta hopi mas halto cu cualkier otro anticonceptivo manera e spiral of e diafragma (solamente e pildora anticonceptivo tin un nivel mas halto di prevencion.)

Recientemente Oduber Agencies, agente exclusivo di e product aki a tene un conferencia di Prensa pa presenta e produco nobo akin a comunidad. Na e occasion aki Dr. Carlos Viana di Viana Natural Healing a hiba palabra y a bisa cu "Testnan hormonal por mustra cu tur cos ta normal, pero no ta indica exactamente ki ora e webo ta den bo matris. Fertility Scope ta sigura bo 98% ki ora bo ta fertil. E ta un herment safe, pa planea un famia na un forma natural". Xochi Woorts, partera na e oficina "Duna Lus" tambe tabata presente y a splica e presentenan cu: "E uso di e Fertile Scope ta masha facil. Mi tin algo mas di un luna usando e Fertile Scope y e no ta tuma di mi tempo. Despues cu mi lanta e prome cos cu mi ta haci ta pone e saliva riba e Fertile Scope y bai prepara pa trabou. Despues di a prepara e saliva lo a seca y mi por wak dor di e Fertile Scope si mi ta fertil. Como partera mi por bisa cu e Fertile Scope ta masha facil y economico pa usa. E por wordo usa pa hopi aña, e unico cu lo mester cambia ta e bateria".

E test Fertility Scope™ ta obtenibel na Comfort Healthcare y na Viana Natural Healing Center caminda un personal bon entrena ta cla pa contesta tur pregunta.