Oranjestad- 11 Januari 2010 -

Mientras cu Gobierno ta den full swing atrobe pa convence e pueblo di Aruba pa tuma nan di dos round di e vacuna contra Swine Flu, na Europa y otro parti mundo, e kritika contra e vacuna aki ta crece y bira mas abierto den tur sinti.

Diaranson a sali un articulo riba un website di noticia hulandes, esta Spitsnieuws.nl cu ta parti nan corant por nada den tur transporte publico rond Hulanda.

Den e articulo e cabesante di e Conseho Europeo di Salud (Europese Gezondheidsraad), sr. Wolfgang Wodarg a haci algun declaracionnan basta skerpi:"E griep Mexicano no tabata un pandemia mes. Pero e compania farmeceutico grandi a insisti serca e World Health Organisation (WHO) pa clasificia e virus asina toch. Cu e benta di medicina nan a spera di saka un ganashi miljonario na euro. Esaki segun e palabranan di Wolfgang Wodarg, cabesante di e Conseho Europeo di Salud

E Tribunal Europeo a bai di acuerdo pa lansa un investigacion pa saka afor kiko e influencia di e empresas farmacéuticas tabata ta durante e supuesta temporada di Griep di Porko. Wodarg ta remarca cu hopi pais mester a hunga cu nan presupuesto di Salud, siendo e Virus no a resulta di e peligroso manera nan a bisa cu e lo ta.

TAMIFLU

Tin pais cu a gasta miyones pa cumpra e Tamiflu. Esun cu a inventa e medicina aki a saka un ganashi gigantesco durante e ultimo periodo aki. WHO mester stop di laga su mes wordo influencia asina hopi y no usa e palabra pandemia asina liher, segun Wodarg ta splika Daily Mail.

MEDIDANAN PRECAUCIONARIO

Na Inglatera a adverti cu lo tin por lo menos 65.000 morto. Autoridadnan a prepara nan mes pa un pandemia masha grandi. A bin un number di telefon special pa esnan cu kier a haya conseho y tambe un website y cuidadanonan por a haya medicina hasta sin "verwijsbrief".

Hasta tabata tin plan pa set up edificio special pa pone tur e restonan mortal y usa soldatnan si en caso riot lo cuminsa si tur hende ta trata di busca e medicina.

Finalmente solamente 251 hende a muri di e Swine Flu, na Hulanda esaki tabata 54. Segun Wodarg tur e beheid rond di e H1N1, ta e scandal medico mas grandi di siglo.

Mas por wordo lesa riba www.spitsnieuws.nl y tambe riba www.thesun.co.uk