Aruba - 3 September 2009 -

Diaheubs dia 3 di september a tuma lugar e "Take Control: Neighbour Watch, Crime Prevention Tips" Seminar na Marriott Aruba Resort. E orador tabata sr. Mike Hayashi di Phoenix, Arizona na Estados Unidos di Merca. Sr. Hayasahi ta un 7th degree Black Belt y experto riba tereno di self-defense.

Dilanti un publico varia, sr. Mike Hayashi a splica con nos mes por biba y actua na un manera cu criminalnan lo no wak nos como un victima potencial. Segun sr. Mike Hayashi ta splica cu criminalnan semper ta busca dos clase di victima. Un di nan ta e clase di "weak person" (persona zwak) esaki no nesecariamente kiermen cu bo no tin forsa, pero por ta cu djies no ta bo dia, cu bo a lanta sin smaak y pesey bo no ta mucho conciente kiko ta pasando rond di bo persona. E otro clase di victima ta e "easy person". Hopi biaha esaki ta e persona cu ta mucho druk cu mil y un cos, cu ora e wordo ataka e ta keda ful surprised, pasobra door cu e ta asina druk, nunca e no a ni wak e criminal ta asercele. Un bon ehempel ta e persona cu ta asina druk cu ora e ta cana pa su auto ta bezig riba su telefoon, y mientrastanto ta coba den su papelnan di trabow. E antisocial ta probecha di esaki anto ta yega atrake. Pesey ta bon, segun sr. Mike, pa bo haci bo mes 3 pregunta.

1. Esaki por pasa cumi? (Cu mi ta bira victima di un crimen)
2. Bo por preveni of stop e acto criminal contra bo si e mester socode?
3. Bo persona ta bale la pena pa bo bringa y defende bo mes si encaso nan atakabo?

Pa cuminsa bo tin di actua na un manera cu bo ta bira un "though target" pa e crimial. Algun manera por ehempel ta, ora di cana for di bo negoshi pa bo auto, djies tira un bista casual riba cada persona cu bo topa riba bo caminda. Actua como sifuera cu bo sa kiko bo ta haciendo y unda bo ta bai. Y traha riba e mirada style di "Don't mess with me"

E publico a disfruta di e seminario cu por cierto tabata free, y a gosa di scucha diferente tips cu sr. Mike Hayashi tabata tin pa esnan presente.

sr. Mike Hayashi a enfatisa tambe pa conhuntamente cu bo bisiñanan, purba di drenta en contacto y setup un systema unda cada bisiña conoce otro y juda cuida cas di otro. Ora di wak movecion straño rond di cas di bisiña y of bo ta wak auto of hende cu ta desconoci pa e bario ey, avisa otro y of jama polis.

Un tremendo iniciativa di AHATA cu a percura pa e seminario aki. Esnan cu no a bai sigur a perde. E website di sr. Mike Hayashi ta www.mikehayashi.us.

.