San Nicolaas - 24 augustus 2009 -

Diasabra merdia den careda di 2 or y mei un Pickup Toyota Hilux a trata di pasa banda di un Chevrolet Aveo. Den e intento aki e Pickup a pasa ranca e bumper di e Chevrolet cu segun e chofer di e Pickup, tabata mal para. Aki a surgi un discussion cu na dado momento a sali un tiki for di man y unda basta palabra pisa a skeiro. Remarcable ta, cu durante cu tabata en espera di Polis, un otro Pickup Blanco a haya su mes den preta ora di tuma e mesun bocht, y mester a manobria cu ayudo di fotografo di seguro, pa e no pasa dal tambe den e auto Chevrolet. Ora polis a yega na e sitio a resulta cu e chofer di e Chevrolet aparentemente no tabata den posecion di un rijbewijs. E agentenan policial a tuma datos di ambos chofer y a intermedia ora atrobe palabranan di insulto a cuminsa cai, anto den presencia di e polisnan.
.