Oranjestad - 10 augustus 2009 -

Skina di Noticia a encontra un accidente di auto na cruzada di Verbindingsweg y Caya G.F. Betico Croes, diadomingo madruga, den careda di 5.00 AM. Segun informacion compila na e sitio, un pickup Nissan Frontier (A-53567) mester a bini for di de La Sallestraat y a dal den un auto Toyota Yaris (A-41247), riba Caya G.F. Betico Croes, bayendo pariba. Door di e impacto e pickup a subi acera y dal den e vitrina di e negoshi Xerox (Antes mihor conoci como Marathon Videotheek). E sla a causa hopi daño na e vitrina, unda glas a spat te full paden. E Toyota Yaris mes a bira full rond y pega contra e palo di lus di trafico. Ambulance mester a bini y trata ambos chofer cu tabata herida. Despues di e promer ayudo, ambulans a transporta tur dos chofer pa Hospital. Remarcable ta cu cada chofer a declara cu nan tabata tin lus berde. Takelwagen a percura di hala tur dos auto for di e sitio di accidente y Polis a keda den espera di e doño di Xerox pa asina e por pone su mes na haltura di e daño causa door di e accidente.
.