Zuid-Holland, 11 augustus 2009

Señor Karel Arends, analista politico conoci riba nos isla stima Aruba, ta masha convenci cu nos isla tin limitacionan grandi na recursonan natural, debi na e ‘hecho’ aki segun su persona respeta, nos isla nunca lo por bira independiente. Nos tin hopi yiunan di tera ta pensa asina, keriendo cu nos isla NO por bira independiente di Hulanda pa motibo di su enorme limitacionan. Den e cruzada di bida cu nos poblacion ta den awe na 2009, e pensamento aki ta masha robez. Nos tur ta imperfecto y nos tur por pensa robez. Ta un eror hopi grandi y grave pa sigui ‘asumi’ cu pa motibo di nos isla su enorme limitacionan na materianan prima, Hulanda nunca lo laga nos isla bira independiente, esaki ta e pensamento di un parti hopi grandi di nos poblacion, lamentablemente!! E realidad di bida ta masha diferente pa e simpel ‘hecho’ cu ta hustamente pa e motibonan ya bon conoci aki, e poblacion di nos isla stima den luna di juni 2002, dor di e ‘comité 2004’, a wordu ofreci, cu bista dirigi riba futuro di nos isla, ofreci pa bira un ‘parti directo’ di e pais Hulanda. E oferta aki, lamentablemente Gabinete Oduber 3 y 4 a rechaza. Rechaza pa nos isla drenta un ‘laso DURADERO cu Hulanda’ despues di cu e Koninkrijksstatuut a cumpli 50 aña di exisitencia riba e fecha 15 di december 2004. Instalacion di e comité a hinca nos tur como miembro di e Reinado aki, den un ERA NOBO, rechazo di e oferta di mes ta un RECHAZO di e Era Nobo. E rechazo di mes ‘consecuentemente’ ta un ‘aceptacion’ di INDEPENDENCIA. Hustamente pa motibo di e enorme limitacionan, nos yiunan di tera ‘masha consciente di e hecho di enorme limitacionan’, lo mester a percura pa nos representantenan respeta ‘nunca’ a rechaza e oferta di e comité. A bin resulta cu e comité, cual desde e fecha 16 di december 2004 NO ta existi mas, 7 aña pasa a ‘anticipa scerpi’ riba e desaroyonan cu nos ta bibando aden awe na 2009. Awe, unda tin e partido PVV di sr. Geert Wilders cu si su partido gana e eleccion aki dos aña, di mes nos isla stima Aruba ta pafo di Reinado Hulandes. Si Wilders bira prome minister di Hulanda, e lo bisa nos representantenan cu ta hustamente pasobra nos isla NO tin recursonan natural pa bira independiente den es mundo tantisimo dificil aki, nos respetable representantenan nunca lo mester a rechaza e oferta di e comité. Tur hende sa cu e partido PVV ta boga pa un Reinado Hulandes cu lo mester consisti di 12 provincia sin lasonan cu nos isla(nan) den Caribe. Wilders sa bon bon cu e Koninkrijksstatuut den niun ni ningun sentido por duna nos isla un relacion durdero cu Hulanda despues di 50 aña di su existencia, ni prome mes (sino nunca lo mester a bin un comité pa haci nos tal oferta), awor corda despues di 15 di december 2004. Wilders mester por sa bon bon cu e actual Koninkrijksstatuut NO, NO ta proteha e nacionalidad Hulandes NACI di nos poblacion(nan) den Caribe, sino ‘unicamente’ e autonomia-nan, autonomia di cada pais miembro di e Reinado aki ta CENTRAL den nos relacionan humano den e Koninkrijk aki, awe ainda na 2009. Si e Koninkrijksstatuut aki ta proteha nos nacionalidad NACI anto ta mas cu ‘logico’ cu nunca nunca Wilders por a yega di bisa, boga pa pone e.o. nos isla stima na benta riba internet. Balor pa nos nacionalidad NACI, esta nos Identidad Huridico, cual ta duna nos un RECHTSPOSITIE den nos relacionan humano den e Reinado aki, ‘posicion di DERECHO’ aki ‘SO’ por proteha nos contra atakenan derechista nacionalista manera di e partido di Wilders. Tempo cu a instala e comité aki den e parti Europeo di Reinado Hulandes, NO tabata existi e partido PVV ainda. Wilders lo mester por sa hopi bon tambe cu prome cu e comité a wordu instala, nos representantenan di Aruba, consciente o inconscientemente a comete un gravisimo eror dor di a scrap e fecha di independencia for di e Conclusionan di e acuerdo di Meza Rondo di maart 1983. A scrap e fecha sin consulta cu pueblo di Aruba den un referendum di acuerdo cu punto 2 di e Conclusionan en cuestion. Punto 4 ta bisa hopi bon cla cu e fecha ta mara na un laso di transicion pa independencia, anto cu e laso di transicion tin un nomber, e yama ‘Status Aparte’!!. Status Aparte ta un nomber robez, historia a bin prueba cu e nomber aki a bin APARTA nos den Reinado Hulandes, ‘apartheid’ a caba

na Sur-Africa den luna di april 1994 pa despues nace di nobo den e Reinado aki prome di januari 1986. E Status Aparte aki a bin pone nos poblacion den Caribe biba, por bisa, basa riba debernan so, e debenan monstruoso di miljardez di florin ta prueba esaki. E nomber lo mester tabata otro, esta ‘een bijzondere status’ (Status Particular) y NO Status APARTE. Historia a bin prueba cu e Status Aparte aki a bin pone mucho mas enfasis riba nos ‘debernan’ den e Reinado aki. Siendo cu p.e. asielzoekers(nan) den e parti Europeo di Reinado Hulandes, nan, cu tur respet y afecto prohimonial pa cada un di nan, nan sin e nacionalidad Hulandes, manera cu nos si tin pa casi cuatro siglo den nos poder, nan si tin e IGUAL DERECHONAN CU NOS PARTNERNAN EUROPEO TIN AKI DEN E PARTI EUROPEO DI REINADO HULANDES!! Riba nos isla sitma niun ni ningun yiu di tera NACI cu e nacionalidad Hulandes, niun ni ningun tin e mesun DERECHOANAN cu nos prohimonan, asielzoekersnan tin aki na Hulanda, esta IGUAL DERECHONAN compara cu nos partnernan Europeo akinan. Anto nos hendenan den Caribe cu ta den poder di e nacionalidad Hulandes casi dos siglo prome cu e habitantenan di e provincia Limburg. A scrap e fecha pa ‘prolonga’ e fase di transicion pa independencia riba e fecha prome di januari 1996, sin mas un gravisimo eror riba tereno di Structura Estatal. Nos mundo politico lo mester a ‘pospone’ e fecha enbez di a prolong’e pa awe nos isla stima NO, NO TA TOTALMENTE INDEFENSO ante e idealnan di e partido PVV. Ta logico, por bisa, cu lo mester a ‘pospone’ pa otorga nos pueblo e DERECHO di ‘autodeterminacion’ pa participa na un referendum (punto 2 RTC maart 1983), pa nos pueblo votador vota contra e condicion di independencia cu Politiek Den Haag a mara nos isla na dje pa haya e Status Aparte, anto pa colmo e Status Aparte mes tambe ta nada otro cu un fase di transicion pa ‘independencia’. Independencia siendo cu dia cu a scrap e fecha, te cu e dia diawe ainda, nos isla ta mas pober na materianan prima cu Haiti, pa colmo tambe den combinacion cu debenan monstruoso hopi peligroso pa nos propio economia, debenan di miljardez di florin. Dolorosamente tristo ta e ‘hecho’ pues cu pa nos isla tin e status di pais awe den Reinado, nos respetable representantenan na e RTC (Ronde Tafel Conferentie) maart 1983, nan a haya nan mes obliga, por bisa, pa tuma e status di ‘pais’ aki mara na e condicion di independencia. Anto e status di pais mes na su turno ta mara keto bai na un fase di transicion pa independencia tambe. Independencia, pa e simpel ‘hecho’ cu e Status Aparte den niun ni ningun sentido por duna nos poblacion un relacion duradero cu Hulanda ni prome cu 15 di december 2004 (sino nunca por a condiciona e status pais na un independencia) y segur NO despues di e mesun fecha en cuestion. Nos ‘no’ por culpa Politiek Den Haag tampoco pa e condicion pasobra e Koninkrijksstatuut NO ta proteha e nacionalidad Hulandes NACI di particularmente nos criaturanan inocente lantando riba nos isla stima. Anto nan cu ta NOS LEGITIMO FUTURO!! E Status di pais yama Status Aparte (APARTA nos poblacion for di su ‘DERECHONAN di mas fundamental’ conforme e balornan di e nacionalidad Hulandes NACI di nos hendenan den Caribe), ‘fase di transicion pa independencia’!! Pa motibo cu e Koninkrijksstatuut ta proteha e autonomia-nan den nos relacionan humano den Reinado y NO e nacionalidad Hulandes di nos hendenan Caribense di e Reinado aki, sr. Wilders ta scor masha facil mes riba nos y nos mes ta totalmente indefenso dor di tur e erornan sumamente grave cu nos mesun representantenan respeta a comete sea den un forma consciente o inconscientemente. Gravisimo erornan dor di e scrapmento di fecha pa prolonga e fase di transicion di independencia anto riba dje, tambe rechaza e oferta di ‘laso duradero cu Hulanda’ di e comité. Si e Koninkrijksstatuut a pone nos ‘Identidad Huridico’, ‘Hulandes Caribense’ CENTRAL dentro di nos relacionan humano den e Reinado aki, awe nunca nos pober criaturanan inocente lantando riba nos isla stima por ta asina leu na caminda despidiendo di e nacionalidad Hulandes. Ni tampoco sr. Wilders su partido ta masha exitoso cu su idealnan, cualnan e.o. ta masha den nos contra. Nos como ‘mayornan responsabel, tata y mamanan responsabel’, nos tarea di mas ‘fundamental’ ta; “influencia futuro di tal manera cu ora e bati na porta di nos yiunan den NAN FUTURO, ‘futuro trece ‘bendicion so’

pa nan y nada contrario, nada di amargura pasobra es mundo aki lamentablemente NO, NO ta un paraiso. Cu e actual autonomia y e Status Aparte, nos NO por pidi bendicion di Dios ni pa nos mes awor corda pa nos pober criaturanan inocente y inconsciente lantando riba nos isla stima, unda cu Papa Dios a duna nos bida!! Cu e erornan sumamente grave cometi

manera ya splica, anto riba nan e idealnan di e partido PVV di sr. Geert Wilders, lo NO ta bon pa ami/nos pensa mes, awor corda bisa cu nos isla stima nunca por bira independiente di Hulanda pa motibo di nos isla su limitacionan. Tur contrario, den e cruzada di bida aki na 2009, bou di e actual sircumstancianan, por bisa, ta ‘imposibel’ pa nos pueblo, particularmente nos pober criaturanan inocente y inconsciente, nan cu ta NOS LEGITIMO FUTURO, casi ‘imposibel’ lamentablemente pa nan por bai keda den poder di e nacionalidad Hulandes den ‘nan futuro’. Hulanda NO ta doño di nos isla ni tampoco nos isla ta parti geografico di Hulanda sino di Venezuela, Caracas cu Den Haag tin diferente combenionan cualnan ta trata e awanan territorial unda nos isla y e otro islanan ruman Corsou y Bonaire ta ubica den Caribe. Pareu cu nos poblacion, of e otro dos poblacionan di nos islanan ruman perde e nacionalidad Hulandes, di mes nos isla y e otronan ruman lo ricibi e nacionalidad Venezolano. Aki na Hulanda niun hende den poder di e nacionalidad Hulandes ta desea di cambia esaki pa esun Venezolano, nada contra nos prohimonan Venezolano, deseable ta pa nos criaturanan riba nos isla, den NAN FUTURO, keda den poder di esun Hulandes cu nan mes a/ta nace cune riba nos isla stima, Aruba. Ta bon conoci cu e nacionalidad Hulandes ta uno cu miyones di prohimonan rond mundo ta desea di haya esaki den nan poder pa nan por sali for di nan tan penibel amargura den nan pais tercer-mundista, aki na tera den es mundo tantisimo dificil aki unda p.e. tur tur dia tin mas di binticinco mil criaturanan ta perde nan tan valioso bida pa causa di hamber so. Sin conta e otro milesnan cu pa dia ta perde nan tan valioso bida pa medio di entre otro, gueranan cruel!!

Cu Papa Dios ilumina y bendiciona henter nos pueblo y tur otro pueblonan di e Reinado aki den e Don di Paz, e esencia di Cristo Jesus Su Nacimento (10, 25-12).

Sinceramente/prohimonialmente,

Augustin C. Stamper (onafhankelijke onderzoeker Koninkrijksrelaties, bedenker van onze ´rechtspositie´, onze Juridische Identiteit binnen het Koninkrijk der Nederlanden, “Caribische Nederlanders”)

E-mail: a.c.stamper@caribischenederlanders.nl /info@nosderechonan.com

a.stamper@nosderechonan.com / nosderechonan@caribischenederlanders.nl

nosderechonan@hotmail.com

Website: www.nosderechonan.com / www.caribischenederlanders.nl

Tel. + 31 6 28774982

Nota: E 10, 25-12 ta e 10 di e Diez Mandamentonan y 25-12 ta e fecha cu nos como Cristianan a scohe pa conmemora y celebra Cristo Jesus Su nacimento aki na tera. Fabor, dirigi e mail aki na nos otro yiunan di tera y tambe na nos otro prohimonan di nos otro islanan ruman den Caribe o unda otro cu nan lo por ta bibando, den o pafor di e Reinado aki. Di antemano, mi mas sincero gratitud pa e fabor y cu Papa Dios ilumina y bendiciona boso y tur boso sernan keri, semper!!