Oranjestad 26 juli 2009 - Caluroso bon bini pa Lourenço Teixeira

Ayera nos tabata na aeropuerto Reina Beatrix unda e hoben Arubiano, sr. Lourenço Teixeira a yega for di Hulanda. Manera a wordo scirbi promer caba den tur prensa di Aruba, cu Lourenço Teixeira ta e promer Arubiano den historia di e "Koninklijk Instituut voor de Marine" (KIM) na Hulanda cu a sigi e "Officiers Opleiding" y cabe cu exito. Como 1e klas Mariniers di Korps Mariniers na Aruba, e a bai Hulanda y a regresa awor cu su Diploma di Officier den su saco. Unabes cu e Koninklijk Besluit ta wordo firma door di Su Mahestad Reina Beatrix, sr. J.L. Teixeira por bai carga e titulo di "1e Luitenant der Mariniers". Fuera di su majornan, ruman, jui chikito Lorrienne y demas famia, e lider di e partido AVP, sr. Mike Eman tambe tabata presente na aeropuerto, pa personalmente jama un bon bini na e hoben Lourenço Teixeira. Den un entrevista chikito cu Solo di Pueblo tabata tin cune, Lourenço a laga sa cu Luitenant Glen Werleman tabata esun cu a encourashe pa bai Hulanda y sigi e curso. E a laga sa cu e ta hopi gradicido pa tur locual sr. Glen Werleman a haci pe. Su meta ta awor, pa hisa e nivel di Arumil na e mesun nivel di e mariniers Hulandes, pa asina no tin diferencia mas entre esnan di Aruba y esnan di Hulanda. Skina di Noticia ta desea Lourenço Teixeira hopi exito den su futuro carera na Mariniers Kazerne Savaneta.