PARADERA - Ayera na Subway di Paradera, sr. Eddie de Veer di Tropical Bottling Company Aruba N.V. a lansa dos producto nobo riba mercado conhunto cu Subway. Aki nos ta papia di e Sprite Zero y Coke Zero. Segun Eddie ta splica cu e producto nobo aki, tin e mesun smaak di Coke y of Sprite normal, sinembargo e suku a wordo saka afor y reemplaza pa un sweetener artificial.
E motibo cu a escohe Subway pa introduci e 2 producto aki, ta pasobra Subway ya ta conoci caba pa nan menu varia y en especialmente pa nan "Fresh Fit Meals". Sprite Zero y Coke Zero lo ta un complement pa esaki y ta un matrimonia ideal. En particular awendia , unda hopi hende na Aruba ta busca manera di mehora nan condicion fysico ya ta tumando alternativa di baha nan consumo di caloria. Representante di Subway a gradici Eddie de Veer, director di Tropical Bottling Company Aruba, pa escohe Subway pa introduci nan dos producto nobo. Semper Subway a complementa e Fresh Fit Meals, cu ta consisti di sandwich cu ta contene 6 gram di vet of menos, cu bebidanan saludable cu menos caloria y suku, esta diet coke y awa. Sinembargo e opcionnan tabata un tiki limita, pero awor cu e dos producto nobo "Sprite Zero y Coke Zero" e famia di Fresh Fit ta bira un poko mas amplio. Finalmente e promer botter di Coke Zero a wordo entrega symbolicamente na e cliente fiel, e "Fresh Fit" Queen di Subway, esta sra. Helen Lacle.
.