Aruba, 14 Juni 2009 - Diadomingo mainta den careda di 11:10 a surgi un accidente unda 3 coredor di bais a dal patras den auto, kibrando e windshield di e auto y lagando tur tres herida y benta riba caminda. Door cu a caba di socode un accidente riba e caminda bayendo pa San Nicolaas, net promer cu e rotondo, e trafico a cuminsa stagna. Un auto cu tabata coriendo riba e otro banda di caminda mester a brake pa un auto su dilanti. Tras di e Suzuki Liana a bin un grupo di coredor di bais cu a caba di completa un training. Segun comentario duna, parce cu nan tabata wak e accidente riba e otro banda di caminda y no a ripara cu e Suzuki a para nan dilanti. Esaki a causa cu 3 di e coredornan a dal full speed patras riba e auto. Esaki a pone e trafico stagna di ambos banda. Polis mester a desvia y regla e trafico pa asina toch autonan por a yega nan destino. Mientrastanto ambulance a wordo yama pa duna promer auxilio na e victimanan. Den total tabata tin 3 ambulance, dos di Valero y un di Gobierno.