W.E.B. Aruba N.V. a traha riba introduccion di un sistema nobo computarisa pa administracion di cuentanan di cliente "Customer Information System" - CIS aña pasa na October. Despues cu a introduci e cuenta di awa nobo, awor a yega e momento pa presenta na comunidad su sistema di "on-line billing". E ta basicamente un servicio nobo unda e cliente pa medio di internet ta subi riba e website di W.E.B. Aruba N.V. na www.webaruba.com y eynan ta topa cu e logo pa e 'on-line billing' cu tin e nomber: WEBC@ARE. Door di click riba e logo e cliente ta drenta inmediatamente den e sistema "on-line' y ta wordo indica con e mester registra den WEBC@RE. Esaki ta hopi facil, e cliente solamente mester yena su number, number di percela y su email adres y e password ta wordo genera automaticamente. Asina por login y haña tur e servicionan nobo cu e sistema ta ofrece. Esakinan ta:
" Mira bo cuenta di awa y print un copia
" Mira bo historia di consumo di awa y fecha cu e meter a wordo lesa
" Mira bo pagonan di awa y posibel ahustacion di pago
" Etc.
Den cuadro di e mehoracion continuo den W.E.B. Aruba N.V. tambe a traha riba renobacion y ampliacion di e website www.webaruba.com cual awor tambe ta duna mucho mas informacion na e usuario. Ambos topico, esta e website y e WEBC@RE ta keda presenta na comunidad den un campaña di publicidad cu yama "Conecta cu Bo" y cual campaña ta dura te cu luna di september 2009.