Morto den accidente marduga na Tanki Leendert

24 januari 2010

Den marduga habitantenan banda di caminda di Kibaima pa Tanki Flip a wordo lanta door di e sonido di un sla basta fuerte. A resulta cu aki ta trata di un accidente entre e vehiculonan A-37589 (Toyota Starlet) y un pickup A-46453.

Polis cu a jega, a constata cu aki ta trata di un acidente basta serio. A resulta cu e chofer di e Toyota Starlet tabata mustra gravemente herida y no tabata duna señal di bida mas.

Personal di ambulance a cumisa cu reanimacion, pero lamentablemente e tabata envano.

Dokter van der Berg a constata morto di e victima; sr. Dominico Tromp nasi dia 20 di December 1937 y biba na Sero Janchi 42.

Esaki ta e di dos morto den trafico pa locual ta trata e aña 2010 cu apenas a cuminsa.

.