Schiphol ta sera aeropuerto

15 april, 2010

Aeropuerto Schiphol lo sera e area di bula di Hulanda por completo. Esaki lo wordo haci 7'or di anochi ora Hulandes (1 di merdia ora local di Aruba). E motibo ta e reciente erupcion di e vulcano cu a socode diaranzon mainta na e pais Ijsland.

Esaki segun un vocero di Aeropuerto Schiphol. den e oranan cu ta bin poko poko e vuelonan lo wordo reduci te na un paro final. Mas trempan cu e vuelo por continua atrobe lo ta diaverna mainta 6'0r (ora Hulandes).

No ta na Hulanda so, pero gran parti di Noordwest di Europa ta siniti molester di e nubia grandi di shinishi cu e erupcion di e volcano a produci. Esaki ta casuando problema grandi pa e aeropuertonan na Hulanda, Scandinavia, Belgica, Inglatera y Irlandia. Hopi di e aeropuertonan ta sera, Casi un 5000 mil vuelo a wordo cancela, y cientos di miles di hende a keda pega na diferente aeropuertonan rond Europa.

Pa mas informacion acudi na websitenan di noticia di Hulanda.