Diabierna y diasabra dia 28 y 29 September 2012, cu a pasa, Trop Club & Casino a organisa su promer annual "Battle of the Food Trucks". Aki e mihor Trucknan di Cuminda a bini hunto riba e parkinglot di e prestigioso Trop Club & Casino pa asina presenta na e publico nan plato di cuminda. Aki trucknan manera Piets, Tia Rosa Snack, Cachi Snack, Truck di Mama, Gio Burger, Chalo Burger, Ricuras y Caribbean Sabor a bini y a competi pisa contra otro pa wak cua plato lo sali esun di mas gusta. E evento aki tabata tin su stage unda diferente banda musical a trece un ambiente total e dos anochi aki. Aki Trop Club & Casino a score sigur, ja cu e evento aki tabata masha bon bishita, unda henter e parking lot tabata rand rand jena te cu hasta riba Sasakiweg chofernan a dicidi di parkeer nan auto. Tawata tin varios premio CASH cu por a wordo gana unda tabata tin categoria manera "BEST OVERAL MEAL", "MOST ORIGINAL DISH" y "MOST MEALS SOLD". Esaki no solamente tabata un exito pa Trop Club & Casino, pero tambe pa e Trucknan cu a participa cu asina a haya un tremendo promocion y oportunidad di laga e publico presente sera conoci cu nan plato delicioso. Pa e muchanan tin e Dino Jump y tambe por a pinta nan cara, paden den Casino na mes momento tabata tin torneo di Black Jack y torneo di Domino y pafor Brazilian Flash y e Club di Mustang tabata tey ta show off nan vehiculonan. Di parti di Arubadag.com un pabien grandi na e tremendo evento aki organisa pa Trop Club & Casino. Nos ta keda pendiente pa e di dos "Battle of the Food Trucks" pa otro aña

Pa wak algun potret di e anochi aki