SETAR ta sera Aruba conoci cu e next generation: ZING

SETAR a anuncia awe cu e ta hiba Aruba awor pa e tercera generacion. ZING ta e nomber di e liña di servicio y productonan nobo. Bou di ZING ta cai e servicionan di e asina yama tercera generacion di celular (3G), specificamente loke nan ta yama Universal Mobile Telecommunication System (UMTS), e sucesor di e systema di GSM. E base di ZING ta video. E red di tercera generacion ta basa grandemente riba e protocol di Internet (IP) y ta haci posibel aplicacionnan interesante di Video. E ta un environment completamente nobo tambe na unda "service developers" por laga nan creatividad resalta. Loke ta parce video futurístico por bira realidad awe, na un forma personalisa, hasiendo uso di e instrumento cu por bisa tur persona ta cana cune, esta su celular.

Den e fase inicial ZING ta conta cu e siguiente servicionan: Video Call, Live Cam y Video Portal.

VIDEO CALL
"Video Call" ta e posibilidad di hasi un yamada di video for di bo celular ZING ready, cu ta un celular basa riba 3G specificamente pa sea otro telefon ZING ready of un PC, of un laptop of IP Phone cu tambe tin e software of client instala cu ta hasi posibel cu nan por wordo yama y yama otro y bo por wak e imagen. Por ehempel por yama di celular pa celular, laptop pa celular, laptop pa laptop etc. Kiermeen bo por hasi yamada di e diferente aparato of terminal pa otro, ya cu tur ta hasi uso di e red ultramoderno instala door di SETAR cu ta hasi posibel cu e diferente systemanan ta manda y recibi imagen.

LIVE CAM
"Live Cam" ta e posibilidad di instala 1 te 4 camera na
bo cas y negoshi. Cu e systema aki bo por scohe cua di e cameranan cu bo kier move, for di riba bo celular of bo laptop. Bo por graba tambe y esaki ta wordo warda riba serversnan di SETAR. E ta manda un SMS y e camera ta cuminsa graba ora e camera registra un movimiento.
E systema ta facil pa instala. E ta basicamente plug & play y e ta traha riba bo liña di ADSL sea cu waya of Wíreless. Bo kier check kiko ta pasando na bo cas y negoshi? LIVE CAM di SETAR ta e solucion.

VIDEO PORTAL
E siguiente servicio cu ta forma parti di ZING ta e VIDEO PORTAL.
E Video Portal bo por considera como e menu riba pa diferente servicionan di ZING. Bo ta bel un number y akinan bo ta haya e menu riba bo cellular den un forma dynamico pa bo escohe loke bo kier tin acceso na dje. Akinan bo por scohe entre otro pa WAW-blogging cu awor lo haya aserca e funcionalidad di video blogging, MiTV cu ta un servicio parecido na You Tube, Live TV di Telearuba, News Clips di Telenoticias y mas después lo pone aserca otro canalnan di Television.

Arubadag.com tawata presente na e anochi informativo aki y a percura pa un reportahe fotografico. Click riba e pagina di potret sea A, B of C y disfruta di e potret saka.

www.arubadag.com