|
Awe
cu mucho pena y dolor pero conforme cu Dios Su boluntad,
nos mester anuncia cu Sr. Theolindo D. Lopez a fayace
na edad di 68 aña na Aruba.
Sr.
Theolindo no ta un desconoci pa e pueblo di Aruba. Awe
ta hopi hende conoce sr. Theolindo como e director di
e prestigioso "Revista Boulevard".
Pero
e trayectoria artistico di sr. Theolindo, mihor conoci
como "Lindo" ta data mucho mas alew cu solamente
e comienzo di Revista Boulevard.
Sr.
Theolindo Lopez a nace riba 11 di December 1938 na Aruba
y a lanta den e cuna di Santa Cruz. For di un edad hopi
jong ela lanta su mesun grupo di comedia jama "Los
Wois Wois". Conhuntamente cu sr. Thomas Delany
y sr. Armando Croes nan a pone publico hari te hasta,
segun comentario, pone hende den publico muha nan paña
di tanto harimento. Unda cu "Los Wois Wois"
tawata pone show, nan tawata full sold out.
Shownan
manera
- Show
di kita Sombre
- Hari
te bira kens
- Temblor
di Alegria
- Mata
Dale
- Hari
barica yen
- Huracan
di Alegria
- Loke
nos tin na cachete
Y
mucho mas show. Ta na diferente club Los Wois Wois tawatin
show, manera Commandeurs Baai Club, Trappers Club, Connie
Frances Club, Seri Noka y mucho otro lugarnan. Varios
biaha sr. Theolindo a organisa show djies pa collecta
placa pa regala pa otro, entre otro pa construccion
di e kleuterschool na Santa Cruz. Nan show tawata asina
un exito cu hasta jira nan a tuma na Bonaire y Corsow.
Sr.
Theolindo ta un gran cantante y compositor y a cosecha
diferente hits cu su cancionan. Ta hopi di e cantica,
te awe por wordo scucha riba radio, y hasta na hacimento
di aña. Canticanan manera entre otro
- Borachero
- Tristemente
- Dushi
Amor
- Cumpleaños
- Recuerdo
Penoso
- Tristesa
y Lagrima
- Amor
Flor Amable
- La
Mujer Colombiana
- Maria
Click
Potret pa Cantica
"Tristemente"
Tambe
ela participa na e "Song Festival Antilliano"
na november 1964. Na maart 1965 Theolindo a bai busca
su suerte na Hulanda y unda ela hasta haya su chens
pa toka un Merengue Dominicano cu su accordeon na Radio
Veronica. Fuera di esey ela lanta y toka den diferente
grupo, banda, cohunto na Hulanda. Manera "Los Merengueros"
hunto cu Mario de Cuba, Elvin Margaritha y Mochin unda
na diferente lugar a pone e hulandesnan bai den trance
riba e ritmo di merengue. Tambe den "Los Mariachis"
na Hulanda. Y den un trio riba guitara conhuntamente
cu Ruben Dubero y Fransisco Vrolijk.
Ademas
Theolindo a continua su carera como goochelaar y hunto
cu sr. Robbie Croes a tuma un jira na Spanje tambe bow
di e nomber di "Los Wois Wois".
Ora
Theolindo a regresa Aruba na aña 1976 ela lanta
e revista tan conoci pa e pueblo di Aruba, esta "Revista
Boulevard". Diferente persona a para modelo riba
e portada di e prestiogoso revista aki. Ta tur caminda
e revista tawata bon cumpra y lesa pa e hende noble
di Aruba cu a keda encanta cu e estilo unico di scribi
di sr. Theolindo Lopez.
Aunque
na dado momento sr. Theolindo a cuminsa dedica mas tanto
atencion riba su revista so, sinembargo e sanger artistico
no a lagele keda para keto, na un di e eleccion di Reina,
Theolindo y Thomas Delany a reviva e tempo di Los Wois
Wois, unda nan a deleita e publico den ora di break
di eleccion. Tawata bisto cu ambos a keda cu e talento
di pone hende hari bai goal.
Ora
e comedia "Den Preta" a presenta na Aruba,
dirigi pa "Persey Jeandor", tawata Theolindo
Lopez y Thomas Delany cu a wordo sollicita pa hunga
un rol den e comedia tambe. Aki nan dado momento e productor
di e comedia casi tawata cu man na cabez, pasobra ni
Theolindo, ni Thomas tawata tene nan mes estrictamente
na e parti cu nan mester a participa, pero tur anochi
tawata improvisa y hasta pone e otro actornan basha
na harimento cu nan joke nan inespera.
Den
tur esaki sr. Theolindo a mustra su banda serio tambe
riba e dianan na Augustus 1977 ora cu e pueblo a lanta
formal den nan lucha pa e Status Aparte di Aruba. Momentonan
cu hasta RIOT commando a bin for di Corsow pa purba
di kibra e lucha sagrado di e Arubiano pa sali for di
Antillias y haya nan propio Status Aparte. Hunto cu
otro fotografo di prensa, manera sr. Angel Coronel,
sr. Oscar Figaroa y sr. Harry Croes a saka varios potret
den e dianan ey y sr. Theolindo a compila tur potret
saka door di dje y demas fotografonan menciona y saka
e buki " Sabor di Independencia". Un buki
cu a resalta un fuente di informacion y material di
nos historia, y cu recientemente a wordo usa tambe pa
e buki di "Augustus Scur" di sr. Evert Bongers.
Sr.
Theolindo Lopez...hopi mas por wordo conta. Pero hecho
ta, cu awe Aruba a perde un gran Arubiano talentoso
cu a laga su recuerdo den tur skina na tur hogar di
Aruba. Ademas di ta un gran Arubiano e tawata un esposo
masha stima pa su esposa sra. Ina Lopez-Langedijk, un
tata masha stima pa su yuinan, Teo, Rosenda y Vanessa
Lopez, un yui masha stima pa su mama sra. Eliza Lopez
(Mama Liza) y su difunto tata Chito Lopez y un ruman
masha stima pa su rumanan; Erna (qepd), Shonme, Mirna,
Vivian, Ronald y Mario Lopez, un abuelo pa su nieta
y nieto, esta Marianne y Andrew Lopez. Esey sin menciona
demas familia (Primo, prima, sobrino, sobrina etc. etc.)
Forsa
na tur familia y cu Dios Tata Poderoso lo drama su paz
y bendishon riba cada un. Theolindo, sosega na paz.
|
